Урушнинг иккинчи босқичи бошлангач Ғазода нималар бўлмоқда — фотосуратлар

27 октябр куни ЦАҲАЛ Исроил мудофаа армиясининг қуруқликдаги бўлинмалари Ғазо секторидаги амалиётини «кенгайтираётгани» ҳақида эълон қилди. Армия расмийси Даниэл Ҳагари Ғазо сектори шимолий қисмида ҳамон ўз уйларида қолаётган аҳолини анклавнинг жанубий қисмига ўтишга чақирди. ҲАМАС ҳаракати Исроил «қуруқликдан, денгиздан ва ҳаводан» ҳужум бошлаганини билдирган. Исроил бош вазири Бинямин Нетаняҳу эса буни ҲАМАСга қарши «урушнинг иккинчи босқичи» деб атаган. Исроил армияси 28 октябрга ўтар кечаси ҳарбий-ҳаво кучлари сектор шимолидаги ҲАМАС ҳаракатига алоқадор 150 та ерости объектларига зарбалар йўллаганини маълум қилган. Ғазо сектори аҳолиси уруш бошланганидан буён Исроил томонидан энг интенсив ҳужумлар рўй бераётганини маълум қилган. 27 октябр куни кечқурундан буён у ерда интернет ва бошқа алоқа воситалари йўқ. «Медуза» сўнгги бир кун давомида ҳудудда олинган фотосуратларни тўплади.