Ўзбекистон МДҲда аҳолининг уй-жой билан таъминланганлик даражаси бўйича 7-ўринни эгаллади

Статистика агентлиги маълумотларига кўра, бу кўрсаткич 2022 йилнинг мос даврига нисбатан 0,3 квадрат метрга ошган. 

2023 йилнинг 1 январ ҳолатига МДҲ давлатларида аҳолининг уй-жой билан таъминланганлик даражаси (ҳар бир аҳолига умумий яшаш майдонидан ўртача тўғри келадиган квадрат метр) бўйича етакчилик Арманистонда – 35,5 квадрат метр.

МДҲ бўйича рейтинг қуйидагича:

1. Арманистон – 35,5 кв м;
2. Молдова – 35,3 кв м;
3. Беларус – 29,4 кв м; 
4. Россия – 28,2 кв м;
5. Қозоғистон – 23,4 кв м;
6. Озарбойжон – 20,1 кв м;
7. Ўзбекистон – 18,5 кв м;
8. Қирғизистон – 13 кв м;
9. Тожикистон – 10,9 кв м.

Рақамлар давлатларнинг расмий статистика маълумотларидан олинган.