Қўшимча функционаллар
-
Тунги кўриниш
ЕТТБ Марказий Осиёда ёшлар бизнесини ривожлантиришга 200 млн евро ажратади
Лойиҳа доирасида 35 ёшгача бўлган тадбиркорларга маблағ ажратилиб, тренинглар ва маслаҳат хизматларига жалб қилинади.
Европа тикланиш ва тараққиёт банки (ЕТТБ) Марказий Осиё ва Мўғулистонда ёшлар бизнесини ривожлантиришга қаратилган дастурни ишга туширди.
ЕТТБ етти йил ичида Марказий Осиёдаги ёш тадбиркорларни молиялаштириш ва тренингдан фойдаланиш имкониятини таъминлаш учун 218 млн доллар ажратади. Дастур 18 ёшдан 35 ёшгача бўлган ёшлар раҳбарлигидаги микро, кичик ва ўрта тадбиркорликни ривожлантиришга қаратилган.
Компаниялар маблағни 20та ҳамкор молия институтлари орқали олади. Шунингдек, дастур иштирокчиларига тренинглар, маслаҳат хизматлари ва турли тадбирларда иштирок этиш имконини беради.
Шунингдек, халқаро ташкилот инвестициялари грантлар ва имтиёзли қўшма молиялаштиришдан иборат 30 млн еврогача бўлган пакет билан тўлдирилади.
ЕТТБ Марказий Осиёда кўплаб ёшлар тадбиркорлик кўникмаларига эга, аммо тенг иқтисодий имкониятларга эга эмаслигини қайд этади. Банк ҳисоб-китобларига кўра, ёшларнинг атиги 10 фоизигина зарур таълим ва иш кўникмаларига эга.
«Бу муаммони ҳал қилиш Марказий Осиё учун муҳим аҳамиятга эга, кичик ва ўрта корхоналар умумий бандликнинг деярли ярми ва минтақавий ЯИМнинг деярли 40 фоизини ташкил қилади», — дея таъкидлайди ЕТТБ.
Дастур Қозоғистон ҳукумати, Кичик бизнес жамғармаси ва Европа Иттифоқи томонидан молиялаштирилади.
Мавзуга оид
13:31 / 28.05.2025
Марказий Осиё экспертлари минтақанинг 2050 йилгача бўлган ривожланиш сценарийлари устида ишламоқда
16:42 / 24.05.2025
Ўзбекистонда "Марказий Осиё – Европа Иттифоқи" иқтисодий форуми бўлиб ўтади
15:03 / 01.05.2025
Самарқандда ўтказилиши режалаштирилган «Марказий Осиё – Кўрфаз давлатлари» саммити қолдирилди
21:41 / 25.04.2025