Қўшимча функционаллар
-
Тунги кўриниш
Маск миясига чип ўрнатилган биринчи одамнинг аҳволи ҳақида маълумот берди
Ҳозирча бемор компютер курсорини фикр кучи билан бошқаришни ўрганиб олган.
Фото: Getty Images
Миясига Neuralink компанияси чипи ўрнатилган биринчи бемор аллақачон тузалиб кетган ва энди компютер курсорини фикр кучи билан бошқара олади. Бу ҳақда компания асосчиси Илон Маск хабар берди.
«Ўзгаришлар яхши ва бемор ножўя таъсирларсиз тузалиб кетганга ўхшайди. Бемор шунчаки фикр кучи билан курсорни экран бўйлаб ҳаракатлантириши мумкин. Кейинги қадам — курсорни босиш», деб Маск сўзларини келтирди The Independent.
Миллиардер сўзларига кўра, бемор касаллик туфайли оёқ-қўлларини қимирлата олмайди, аммо Neuralink нейрочипи унга ва бошқаларга ушбу касалликдан тузалиш имконини беради. Келажакда бу нафақат электроникани бошқариш, балки оёқ-қўллар ҳаракатчанлигини тиклаш, депрессияга қарши курашиш, эшитиш қобилиятини тиклаш ва ҳатто мияни янада самарали ишлаши имконини беради.
Neuralink лойиҳаси 2016 йилда ишга туширилган бўлиб, 2023 йилда компаниянинг қиймати 5 миллиард долларга баҳоланган эди. Айни вақтда Маск компанияси инсонга чип ўрнатишда устуворликка даъво қилмайди: Synchron стартапи 2022 йилдаёқ одамга мия-компютер интерфейсини жойлаштирган. У электрон қурилмаларни фикр кучи билан бошқариш имконини беради.
Мавзуга оид
16:59 / 18.11.2024
АҚШдан Хитойгача 40 дақиқада: Илон Маск самолётларни ракеталарга алмаштирмоқчи
17:11 / 15.11.2024
Илон Маск Эроннинг БМТдаги элчиси билан махфий учрашув ўтказгани маълум бўлди
12:05 / 15.11.2024
Трамп жамоасини шакллантирмоқда. Сўнгги тайинловлардан унинг иккинчи муддати қандай бўлишини билиш мумкинми?
20:38 / 14.11.2024