Тошкентда 80 дан ортиқ фуқаро номига кредитга техника харид қилган аёл ва унинг шериклари қамалди
40 ёшли аёл бунгача ҳам 12 марта судлангани маълум бўлди.
Тошкент шаҳрида 40 ёшли аёл фирибгарлик йўли билан 80 дан ортиқ кишининг номига кредит эвазига маҳсулотларни харид қилгани маълум бўлди. Millar теледастури унга ўқилган суд ҳукми бўйича лавҳани эфирга узатди.
У ўз жиноятларини 1995 ва 1996 йилларда туғилган икки судланувчи йигит билан биргаликда содир этган. Иш ҳужжатларидан маълум бўлишича, аёл шу вақтгача 12 марта судланган.
«Фуқароларнинг номига кредит олиш билан шуғулланганман. Жиноят содир этганимни тан оламан», – дея суд залида изоҳ берди у.
Судланувчи аёл Жиноят кодексининг 168-моддаси (Фирибгарлик) 3-қисми «в» бандида назарда тутилган жиноятни содир этган деб топилди. Суднинг 2023 йил 26 декабрдаги ҳукми билан тайинланган жазонинг ўталмай қолган қисмини қисман қўйиш йўли билан аёл 5 йил-у 2 ойга озодликдан маҳрум қилинди.
Судланувчи йигитларнинг ҳар бирига эса 5 йил-у 6 ой муддатга қамоқ жазоси тайинланди.
Мавзуга оид
18:42 / 02.10.2024
Тошкент ва Самарқандда фуқароларни пул эвазига хорижга ишга юбормоқчи бўлганлар ушланди
20:24 / 01.10.2024
Москвада мигрантларга сохта ҳужжат тайёрлаган жиноий гуруҳ қўлга олинди
13:20 / 29.09.2024
Сирдарёда Гулистон Сув иншоотлари бошқармаси ер кадастри бўлим бошлиғи ушланди
16:40 / 25.09.2024