Ўзбекистон ва Россия ўртасидаги туристлар алмашинуви пандемиядан олдинги даражага етди

РИА "Новости" ахборот агентлиги ва "МИР 24" давлатлараро телеканали Ўзбекистон ва Россия ўртасидаги ўзаро сайёҳлар оқими пандемиядан олдинги даражасига етганини маълум қилди.

Фото: РИА Новости

"Дунё" хабарига кўра, нашрларда Ўзбекистоннинг турли шаҳарларини танлаган россиялик саёҳатчилар сони сўнгги ўн йил ичида тўрт баробарга, яъни йилига 403 минг кишига ошгани қайд этилган.

"Айни пайтда ўзбекистонлик сайёҳларнинг Россияга қизиқиши ҳам ортган. Шу тариқа, ўтган йили 800 мингдан зиёд ўзбекистонликлар Россияга саёҳат қилиш мақсадида келган. Бу 2022 йилга нисбатан икки баробар кўпдир", — дейилади мақолаларда.

Таъкидланишича, рус сайёҳларини мамлакатлар ўртасида тил тўсиғининг йўқлиги ҳам Ўзбекистонга боришга ундамоқда. Бундан ташқари, Ўзбекистонга саёҳат чоғида ЮНЕСКОнинг умумжаҳон мероси рўйхатига киритилган архитектура дурдоналари билан танишиш мумкин.