Тошкент вилоятида яшаш хонадонида майнинг ферма ташкил этган шахс ушланди

Олмалиқ шаҳрида майнинг ферма ташкил этган хонадон аниқланди.

Фото: Бош прокуратура ҳузуридаги департамент

Бош прокуратура ҳузуридаги департаментнинг Олмалиқ шаҳар бўлими, ДХХ ва ИИБ ходимлари ҳамкорлигида тезкор тадбир ўтказилган.

Унда, фуқаро Ж.Б. ўз уйида тижорат мақсадида компютер тизими орқали телекоммуникация тармоқларидан фойдаланган ҳолда 3 та тўпламдаги майнинг крипто-активлари қурилмасини электр тармоғига тўғридан тўғри улаб, 103,1 млн сўмлик электр энергиясидан ноқонуний фойдалангани аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.