Хитойнинг «Чанъэ-6» аппарати Ойнинг орқа томонига муваффақиятли қўнди
Ушбу миссия Ерга тупроқ намуналарини етказиши керак, унинг таҳлили Ер табиий йўлдошининг шаклланиш тарихини яхшироқ тушунишга имкон беради.
Хитойнинг 3 май куни учирилган «Чанъэ-6» зонди Ойнинг орқа томонидаги Аполлон кратери жанубий қисмига муваффақиятли қўнди.
Ушбу миссия Ерга тупроқ намуналарини етказиши керак, унинг таҳлили Ер табиий йўлдошининг шаклланиш тарихини яхшироқ тушунишга имкон беради. Гап шундаки, бу намуналар Ой мантиясидан чиққан ва қотиб қолган тупроқдир.
Бу Хитойнинг тўртинчи уринишда Ойга ўз аппаратини тўртинчи марта муваффақиятли қўндириши ҳисобланади.
«Чанъэ-6» аппаратининг қўниш жараёни видеотасвирга олинди. Унда қўнишнинг якуний босқичидан олдин бир муддат ҳавода муаллақ тургани кўрсатилган. Бу вақтда борт компютери қўниш жойининг хавфсизлигини баҳолаган.
«Чанъэ-6» қўниш жойини бир неча кун давомида тадқиқ қилиши режалаштирилган. Тупроқ намуналари 2 метргача чуқурликдан олинади. Ҳаммаси бўлиб, тахминан 2 килограмм намуна олиниши керак.
Кейин намуналар Ой орбитасига юбориладиган капсулага жойлаштирилади, у ерда қайтиш модули уни Ерга етказади. Илгари шунга ўхшаш операция «Чанъэ-5» миссияси томонидан амалга оширилган, аммо Ойнинг олд томонидан тупроқ етказиб берилган эди.
Мавзуга оид
22:28 / 19.09.2024
АҚШ Ҳарбий-денгиз кучлари Хитой билан урушга тайёргарлик режасини эълон қилди
21:34 / 16.09.2024
Tencent интернет гиганти асосчиси Хитойнинг энг бадавлат инсонига айланди
00:18 / 15.09.2024
Хитой янги авлод палубали қирувчи самолётини синовдан ўтказишни бошлади
07:31 / 14.09.2024