Қўшимча функционаллар
-
Тунги кўриниш
Ўзбекистон бўйича иш ҳафтаси учун об-ҳаво прогнози эълон қилинди
Ушбу иш ҳафтаси давомида Ўзбекистон ҳудуди бўйича ҳаво асосан кам булутли бўлади, ёғингарчилик кутилмайди.
Фото: Kun.uz
“Ўзгидромет” хабарига кўра, фақат республиканинг айрим тоғли ҳудудларида кечга томон маҳаллий хусусиятга эга бўлган қисқа муддатли ёмғир ёғиши, момақалдироқ бўлиши мумкин.
Ҳафтанинг биринчи ярмида ҳаво бироз иссиқ бўлади, кундуз кунлари ҳарорат +36...+39 даража атрофида, чўл ҳудудларда ва республика жанубида баъзи жойларда +40...+41 даражагача бўлиши кутилмоқда. Бундай ҳарорат июнь ойи иқлимий меъёридан +1-+2 даражага юқоридир.
Ҳафтанинг иккинчи ярмида ҳаво ҳарорати кундуз кунлари +32...+35 даражагача, жанубда +36...+39 даражагача бироз пасайиши кутилмоқда.
Шарқий йўналишда шамол 7-12 м/с тезликда эсади, шимолда ва чўл ҳудудларда 15-18 м/с гача кучайиши, айрим жойларда чанг-тўзонлар билан кузатилиши мумкин.
Пойтахтда ҳаво асосан бироз булутли бўлади, ёғингарчилик кутилмайди. Шамол шарқдан 5-10 м/с тезликда эсади. Ҳарорат 10-12 июнда +35...+38 даража, 13-14 июнда +32...+35 даража бўлади.
