Евроиттифоқнинг Россияга қарши санкциялари 14-пакетидан суюлтирилган газга қарши чекловлар ўрин олади

Европа иттифоқи Россияга қарши жорий этиладиган санкцияларнинг 14-пакетига Россиядан суюлтирилган табиий газ (СТГ) етказиб беришга қарши чекловлар жорий этмоқчи, деб ёзади EUobserver ҳужжат лойиҳасига асосланиб.

Фото: marinelink.com

Бундан ташқари, Россияга нисбатан гелий экспортига чекловлар киритилади, иккиламчи мақсадлардаги технологиялар, Украина санъат асарлари билан савдо-сотиқ қилишга нисбатан тақиқлар, шунингдек, 20 нафар жисмоний ҳамда 20 та юридик шахсларга нисбатан санкциялар қўлланилади.

Euobserver ўз манбасига таяниб ёзишича, 14 июн куни Венгрия Россияга нисбатан янги санкцияларни жорий этилишини “тортинмасдан” маъқуллаган. Европа компанияларининг Россиядаги шуъба корхоналарига нисбатан чекловларнинг қатъийлаштирилишига нисбатан иккиланишлар ҳозирча Германияда сақланиб турибди, деб ёзади нашр.

Россияга қарши санкцияларнинг 14-пакети Европа Иттифоқига аъзо давлатларнинг ташқи ишлар вазирларининг 24 июн кунги учрашувида қабул қилиниши кутилмоқда.

Euobserver маълумотларига кўра, персонал санкциялар қўшиқчи Полина Гагарина, журналист Алексей Горславский, тадбиркорлар Игор Алтушкин, Роман Троценко ва Таймураз Боллоевларга нисбатан қўлланилади. Уларнинг Европа Иттифоқи ҳудудидаги активлари музлатилади, уларга ортиқ визалар берилмайди.