Қўшимча функционаллар
-
Тунги кўриниш
Қирғизистонда 250 бошга яқин қўйлар чақмоқ уришидан нобуд бўлди
Ҳолат Иссиқкўл вилоятининг Тон тумани ҳудудидаги яйловда кузатилган. Туман фавқулодда вазиятлар бўлими тезкор гуруҳи вазиятни ўрганиш учун воқеа жойига етиб борган.
Фото: Қирғизистон Фавқулодда вазиятлар вазирлиги
Қирғизистонда 250 бошқа яқин қўйлар чақмоқ уришидан нобуд бўлди. Бу ҳақда Фавқулодда вазиятлар вазирлиги хабар берди.
Вазирликнинг маълум қилишича, 7 июл куни соат 17:00лар атрофида Иссиқкўл вилояти, Тон тумани Кун-Чиқиш қишлоғи ҳудудидаги яйловда 250 бошқа яқин қўйларни чақмоқ ургани ва улар нобуд бўлгани ҳақида хабар келиб тушган. Тон тумани Фавқулодда вазиятлар бўлими тезкор гуруҳи воқеа жойига етиб борган.
Хабарда Қирғизистон Гидромет хизмати ва Фавқулодда вазиятлар вазирлиги аҳолини доимий равишда табиат ҳодисалари ҳақида огоҳлантириб келганини, жумладан, 8-12 июл кунлари кучли ёмғир ёғиши хабар қилинганини билдирган.
Шу каби ҳолат олдинроқ Тожикистонда ҳам кузатилган эди. Унда Тожикистоннинг Хатлон вилояти, Сангвор туманида чўпон ва қўйлар подаси яшин уриши оқибатида нобуд бўлганди.
Мавзуга оид
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
20:33 / 14.09.2024
Водийдаги тантана, Бойсундаги мавҳумлик ва АЭС бўйича якуний битим — ҳафта дайжести
19:03 / 14.09.2024
Қирғизистон президенти дам олиш масканини чиқиндилардан тозалади
20:48 / 13.09.2024