Қорақалпоқ давлат университетига ишга киритиш эвазига 1,8 минг доллар олганлар ушланди

Қорақалпоғистон Республикасининг Хўжайли ва Тахтакўпир туманларида ишга киритиб қўйиш билан боғлиқ фирибгарлик ҳолатлари фош этилди.

Фото: Прокуратура департаменти

Бош прокуратура ҳузуридаги Иқтисодий жиноятларга қарши курашиш департаменти хабарига кўра, фуқаро Э.С. фуқаро Д.Б.ни “У.Т.” АЖга қарашли Хўжайли туманида жойлашган компрессор станциясига ишга киритиб қўйиши эвазига 3000 долларни олган вақтида ашёвий далиллар билан ушланган.

Тахтакўпир туманида фуқаролар И.А. ва К.Б. фуқаро З.О.нинг ишончига кириб, уни гўёки юқори лавозимда ишловчи танишлари орқали Қорақалпоқ давлат университетига ишга киритиб қўйиши эвазига 1800 долларни олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик), 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.