Фарғонада тўрт киши овқатдан заҳарланди

Улар турли жойларда хот-дог истеъмол қилган ва шундан заҳарланган бўлиши мумкин.

Фото: Getty Images

Фарғона вилояти, Ўзбекистон туманида тўрт киши овқатдан заҳарланди. Бу ҳақда Cанэпидқўмита хабар берди.

Қайд қилинишича, 6 ноябр куни туман Тиббиёт бирлашмасига қарашли Юқумли касалликлар бўлимига 4 нафар бемор ошқозон-ичак фаолияти функциясининг бузилиши ташхиси билан ётқизилган. Хабарномага асосан Cанэпидқўмита ходимлари томонидан санитария-эпидемиологик суриштирув ишлари олиб борилган.

Суриштирув давомида беморларнинг 2 нафари 5 ноябр куни тушлик вақтида Ўзбекистон тумани, Яйпанбозорбош маҳалласидаги фастфуд шохобчасида хот-дог истеъмол қилгани, яна 2 нафари Оқтепа маҳалласидаги фастфуд шохобчасида хот-дог истеъмол қилгани аниқланган.

Беморларнинг умумий ҳолати қониқарли экани таъкидланмоқда.

Ҳолат юзасидан Санэпидқўмита мутахассислари томонидан суриштирув олиб борилмоқда.

#овқатдан заҳарланиш #Ўзбекистон тумани