Қўшимча функционаллар
-
Тунги кўриниш
Японияда сунъий гравитацияга эга Ой мажмуаси прототипи қурилади
Япония Ойни забт этиш йўлида сунъий гравитацияга эга тўлиқ ўлчамли турар жой мажмуасининг прототипини фойдаланишга топширади. У ўз ичига 10 минг кишини сиғдира олиши кутилмоқда.
Фото: Kyodo News
Японияда 2030 йилга бориб Ойни ўзлаштириш учун мўлжалланган сунъий гравитацияга эга тўлиқ ўлчамли турар жой мажмуасининг прототипини фойдаланишга топшириш режалаштирилмоқда, деб хабар беради Kyodo агентлиги.
Мазкур лойиҳа билан мамлакатдаги энг йирик қурилиш корпорацияларидан бири бўлган Kajima ҳамда хусусий Киото университети мутахассислари шуғулланишга келишиб олди.
The Lunar Glass номи остидаги айланувчан параболик тузилма баландлиги 400 метрни, диаметри эса 200 метрни ташкил этади. У ўз ичига 10 минг кишини сиғдира олиши тахмин қилинмоқда.
Лойиҳа жорий молиявий йилда ишга туширилади — компютер ишланмалари ва моделларни тайёрлаш бошланади. Айни вақтга қадар Kajima корпорацияси ва Киото университетининг биргаликдаги саъй-ҳаракатлари натижасида параболик мажмуанинг 1:2000 масштабдаги кичрайтирилган прототипи ишлаб чиқилган.
Япониядаги кўплаб корпорациялар ҳозирда Ойни ўзлаштириш билан боғлиқ турли лойиҳаларни амалга оширмоқда. Хусусан, Ернинг табиий йўлдоши бўйлаб ҳаракатланишга мўлжалланган вездеходларни Япониянинг энг йирик автомобилсозлик компанияси — Toyota Motor яратмоқда.
Мавзуга оид
18:09 / 04.05.2025
Японияда 15 ёшгача бўлган болалар сони кескин қисқариб кетди
22:33 / 28.04.2025
Фужи тоғига чиқишга уринган хитойлик талаба тўрт кун ичида икки марта қутқарилди
00:43 / 25.04.2025
Японияда салкам 30 йил автобус бошқарган ҳайдовчи 7 доллар ўғирлагани учун ишдан бўшатилди
17:06 / 23.04.2025