Қўшимча функционаллар
-
Тунги кўриниш
Жанубий Корея ҳарбийлари самолёт ҳалокатидан кейин мамлакат авиапаркини текширишни бошлади
Жанубий Кореяда Jeju Air компаниясининг Boeing самолёти ҳалокатга учраганидан кейин мамлакат авиапаркидаги ҳаво кемаларини текшириш бошланди. Фожиа оқибатида 179 киши ҳалок бўлган эди.
Жанубий Корея ҳарбийлари Jeju Air компанияси самолёти Муан аэропортида ҳалокатга учрагани юзасидан авиация тармоғини комплекс текширишни бошлади, деб хабар беради Yonhap агентлиги.
Қайд этилишича, терговда АҚШ ҳамда Boeing компания вакиллари ҳам иштирок этмоқда.
Мамлакат Ҳарбий-денгиз кучлари қўмондонлиги вакиллари ўз самолётлари, жумладан, Boeing 737-800 компонентларига базасида яратилган P-8А ҳаво кемаларини текширишга киришган.
Бу каби текширув жараёнлари 2025 йил 4 январга қадар давом этади. Жанубий Корея бу турдаги самолётлардан олтитасини июл ойида кемаларга қарши кураш потенциалини ошириш мақсадида сотиб олганди. Ҳарбий-ҳаво кучлари, шунингдек, ҳалокатга учраган Boeing каби лойиҳаланган узоқ масофали радиолокацион Peace Eyeсамолётларини ҳам текширишни бошлаган.
29 декабр куни эрталаб соат 09:07 да Jeju Air компаниясининг Boeing 737−8AS йўловчи самолёти учиш-қўниш йўлагидан чиқиб, тўсиққа урилган ва ёниб кетди. Самолёт бортида жами 181 киши бор эди: 175 йўловчи ва 6 экипаж аъзоси. Улардан 179 нафари ҳалок бўлган. Бир нафар йўловчи ва экипаж аъзоларидан бири қутқариб қолинган.
Жанубий Корея президенти вазифасини бажарувчи Чой Санг Мок мамлакатнинг Муан шаҳрида йўловчи самолёти ҳалокати туфайли 7 кунлик мотам эълон қилган.
Мавзуга оид
10:43 / 26.05.2025
“Кореяда олган тажрибани қишлоғимда қўлламоқчиман” – бўш ерларни ўзлаштираётган шаҳрихонлик йигит
00:47 / 24.05.2025
Жанубий Корея лоукостери Сеул—Тошкент йўналиши бўйича мунтазам қатновларни йўлга қўйди
17:25 / 07.05.2025
T'way Air Сеулдан Тошкентга парвозларни йўлга қўяди
21:14 / 05.05.2025