Иқтисодиёт | 13:14 / 02.01.2025
1964
1 дақиқада ўқилади

Кувайт Сирдарёда инновацион паррандачилик фермасини ташкил этади

Мамлакат элчихонаси кўмагида Сирдарё вилояти ҳокимининг инвестиция ва ташқи савдо бўйича ўринбосари Бобур Хўжамов, Боёвут тумани ҳокимининг ўринбосари Бобур Абдумаликов ва Кувайтнинг AAH Commercial Company компанияси раҳбари Али ал-Ҳарбий ўртасида онлайн музокаралар ташкил этилди.

Фото: Shutterstock

Кувайт вакили Сирдарё вилояти, хусусан Боёвут туманининг савдо-иқтисодий, инвестициявий ва экспорт салоҳияти билан таништирилди.

Али ал-Ҳарбий Сирдарё вилоятининг Боёвут туманида 10 гектар ер майдонда инновацион паррандачилик фермасини ташкил этиш лойиҳасига 5 миллион АҚШ доллари миқдорида инвестиция киритишни режалаштираётганини маълум қилди.

Лойиҳанинг асосий мақсади озиқ-овқат хавфсизлигини таъминлаш доирасида ҳалол товуқ маҳсулотларини Ўзбекистондан қўшни давлатларга, Яқин Шарқ ва Осиё мамлакатларига экспортни амалга оширишдан иборат.

Ўзаро ҳамкорликнинг истиқболли йўналишларини белгилаб олиш мақсадида AAH Commercial Company компанияси вакилларининг Ўзбекистонга сафарини уюштиришга келишиб олинди.

Отабек Матназаров
Тайёрлаган Отабек Матназаров
Kun.uz янгиликларини Google News'да кузатинг
+ Обуна бўлиш

Мавзуга оид