Қўшимча функционаллар
-
Тунги кўриниш
Эрдўған яна бир президентлик муддатига номзодини қўйишини истисно этмади
Ражаб Тоййиб Эрдўған 2014 йилдан бери Туркияга раҳбарлик қиляпти.
Туркия президенти Ражаб Тоййиб Эрдўған президентлик сайловида иштирок этиши мумкин. Бу унинг Шонлиурфа вилоятидаги митингдаги баёнотидан келиб чиқади, деб хабар берди NTV Haber.
Президент митингда турк хонандаси Иброҳим Тотлисес билан суҳбатлашди. Қўшиқчи Эрдўғандан «президентликка номзодингизни қайта қўйишга тайёрмисиз» деб сўради. «Сиз билан тайёрман», деб жавоб берди президент.
Ражаб Тоййиб Эрдўған 2014 йилда Туркия раҳбари бўлди. Шу пайтда мамлакатда парламент тизими мавжуд эди. 2017 йилда Туркия референдум натижасида президентлик республикасига айланди. Янгиланган конституцияга кўра, давлат раҳбари кетма-кет икки муддатдан кўп бўлмаган даврда лавозимини эгаллаши мумкин. Эрдўған 2018 ва 2023 йилги сайловларда ғалаба қозонди. Унинг катта маслаҳатчиси Меҳмет Учум аввалроқ, агар парламент муддатидан олдин сайловлар ўтказишга қарор қилса, сиёсатчи яна президентликка номзодини қўйиши мумкинлигини таъкидлаган эди.
Мавзуга оид
16:21 / 22.05.2025
«Яқин орада Шимолий Кипрнинг Туркий давлатлар ташкилотига аъзо бўлган кунларни ҳам кўрамиз» – Эрдўған
20:30 / 17.05.2025
Эрдўған Қора денгизда 30 миллиард долларлик газ кони топилганини эълон қилди
10:26 / 16.05.2025
Туркия Путин ва Зеленский тайёр бўлса, уларни қабул қилишга тайёр
20:52 / 15.05.2025