Қўшимча функционаллар
-
Тунги кўриниш
Porsche концерни танк ишлаб чиқаришни бошлаши мумкин
Германия автомобилсозлик компанияси оғир иқтисодий аҳволда. Шу боис концерн мудофаа саноатига қизиқиш билдирмоқда.
Фото: Wikipedia
Германиянинг Porsche автомобилсозлик компанияси кўп миллиардлик йўқотишлари сабаб янги бизнес йўналишларни кўриб чиқмоқда, улардан бири мудофаа саноати бўлиши мумкин. Бу ҳақда Europäische Sicherheit & Technik мудофаа технологияларига оид журналдаги мақолада сўз боради.
Концерн 2024 йилда 20 миллиард евро зарар кўрган, шу боис Porsche раҳбарияти қатъий тежамкорлик чоралари ва янги бизнес йўналишларини изламоқда. Улар орасида компаниянинг қурол бозорига кириши ҳам муҳокама қилиняпти.
Нашрнинг қайд этишича, Porsche — Германия Мудофаа вазирлиги билан ишлашда тажрибага эга. 1958 йилдан 1965 йилга қадар компания бош пудратчи сифатида бундесвер учун «тип 814» номи остида танк ишлаб чиқарган. Кейинчалик ушбу ишланмалар Leopard танкларининг биринчи авлоди асосини ташкил этган.
Бундан ташқари, 2024 йилда Porsche дронларни ишлаб чиқариш билан шуғулланувчи Quantum Systems стартапига инвестиция киритган эди.
Маълумотларга кўра, Porsche мудофаа лойиҳаларига 2 миллиард еврогача сармоя йўналтириши мумкин.
Ўз навбатидаги Porsche SE ҳолдинг вакили Кристоф Цемелка компания мудофаа саноатига эътибор қаратиши мумкинлигини рад этди.
Мавзуга оид
14:06 / 26.10.2024
Porsche қимматбаҳо қаҳва машинаси ва қаҳва майдалагични тақдим этди
19:21 / 27.02.2024
Porsche билан ҳамкорликдаги 2699 евролик букламафон ва AIʼга интеграциялашган Magic 6 Pro — Honorʼдан янги гаджетлар
15:41 / 11.05.2023
“Иккитаси бирда”: Bentley’дан Porsche’гача — йўлтанламас спорткарлар (фотожамланма)
20:42 / 01.05.2022