Қўшимча функционаллар
-
Тунги кўриниш
Россиянинг Кривий Риҳга ракета зарбаси оқибатида тўрт киши ҳалок бўлди
Кривий Риҳ расмийлари Россия ракета зарбаси нишони шаҳардаги корхоналардан бири бўлганини хабар қилди. Шунингдек, камида 14 киши яралангани хабар қилинган.
Фото: Telegram / dnipropetrovskaODA
Кривий Риҳда 2 апрел, чоршанба куни Россиянинг ракета зарбаси натижасида камида тўрт киши ҳалок бўлди, яна камида 14 нафар фуқаро жароҳатланди, деб хабар берди Днипропетровск области ҳарбий маъмурияти раҳбари Сергей Лисак.
Дастлаб 3 киши — 29 ёшли аёл ва 35 ва 41 ёшли эркаклар яралангани хабар қилинган. Уларнинг барчаси ўртача оғирликда касалхонага ётқизилган. Кейинчалик ярадорлар сони камида 14 кишига кўтарилиб, рақам қайта кўриб чиқилди. Жабрланганлар орасида 8 ёшли бола ҳам бор.
Кривий Риҳ мудофаа кенгаши раҳбари Олександр Вилкулга кўра, зарба фуқаролик инфратузилмаси объектига баллистик ракета билан берилган. Айнан қайси объект ҳақида гап кетаётгани аниқ айтилмаган. Бир қанча кўп қаватли турар жой бинолари ҳам зарар кўрган.
Кривий Риҳ — Украинанинг йирик саноат маркази. Бу ерда бир қанча тоғ-кон, қайта ишлаш ва металлургия корхоналари жойлашган.
Бир кун олдин Россия қўшинлари Харкивга учувчисиз учоқлар билан ҳужум қилди. Украина фавқулодда вазиятлар давлат хизмати маълумотларига кўра, дрон кўп қаватли турар жой биносига бориб урилган. Оқибатда беш киши, жумладан, ўн ёшли бола жароҳатланган.
Россия-Украина уруши
Мавзуга оид
10:09 / 03.04.2025
Украинага Россия томонидан босиб олинган ҳудудлардан яна 11 нафар бола қайтди
09:00 / 03.04.2025
Россияда Ту-22М3 стратегик ракета ташувчи ҳарбий самолёт ҳалокатга учради
21:57 / 02.04.2025
Россияда Украина билан тинчлик музокараларини қўллаб-қувватловчилар сони энг юқори даражага етди
20:47 / 27.03.2025