Uzbekistan Airways Москвадаги «Внуково» аэропортидан парвоз қилувчи йўловчиларни огоҳлантирди

Аэропортда модернизация ишлари олиб борилади, шу боис йўловчиларни рўйхатга олиш жараёни чўзилиши мумкин.

Фото: ТАСС

Uzbekistan Airways авиакомпанияси Москвадаги «Внуково» аэропортидан парвоз қилувчи йўловчиларни баъзи ноқулайликлар ҳақида огоҳлантирди.

«30 апрелгача «Внуково» аэропортида назорат пунктларини модернизация қилиш ишлари олиб борилади, шу муносабат билан парвозолди йўловчи процедуралари учун сарфланадиган вақт ортиши кутилмоқда», дейилади хабарда.

Uzbekistan Airways парвозолди назоратидан ўз вақтида ўтиш учун аэропортга етиб келишни парвоздан камида 3 соат олдин режалаштиришни қатъий тавсия қилди.