Қўшимча функционаллар
-
Тунги кўриниш
Россия Кривий Ригга яна зарба берди: камида 19 киши ҳалок бўлди
Россиянинг Кривий Ригга янги ракета зарбасида камида 19 киши, жумладан 9 бола ҳалок бўлди ва яна 56 киши жароҳат олди. Бир кун аввал шаҳарга ракета ҳужуми оқибатида тўрт киши ҳалок бўлган, яна 12 киши яраланган эди.
Фото: Reuters
2025 йил 4 апрел, жума куни Россия Кривий Ригга янги ракета зарбаси берди. Кривий Риг мудофаа кенгаши раиси Александр Вилкулнинг шу куни ярим тунда хабар беришича, ҳужум оқибатида камида 19 киши, жумладан 9 нафар бола ҳалок бўлган. Яна 56 киши жароҳатланган. Бир нечта манбалар дарҳол "Магеллан" ресторани ёнида рус ракетаси портлагани ҳақида хабар беришди.
Ўз навбатида, Днипропетровск вилояти маъмурияти раҳбари Сергей Лисак шаҳарда йигирмага яқин кўп қаватли уй, ўттиздан ортиқ автомобил, таълим муассасалари ва умумий овқатланиш объектлари зарар кўрганини маълум қилди.
Кривий Ригга қилинган ҳужумни Украина президенти Володимир Зеленский изоҳлади. «Россия ҳар куни зарба беради. Ҳар куни одамлар ҳалок бўлмоқда. Бунинг давом этишига биргина сабаб бор: Россия ўт очишни тўхтатишни истамаяпти ва биз буни кўриб турибмиз. Буни бутун дунё кўриб турибди. Ҳар бир ракета, ҳар бир ҳужумкор дрон Россия фақат урушни хоҳлашини исботлайди», — деб ёзган Зеленский. Унинг сўзларига кўра, зарба турар жой бинолари жойлашган ҳудудга берилган. Бир кун аввал Россиянинг шаҳарга берган зарбаси оқибатида камида тўрт киши ҳалок бўлган, яна 14 киши яраланган эди.
Мавзуга оид
08:38
Жиноят содир этиб, қочиб юрган ўзбекистонлик Россияда ушланди
08:28
Европа ва Канада Путиндан АҚШ таклифига дарҳол жавоб беришни талаб қилмоқда
08:14
«Россия оташкесимга тайёргарлик кўраётганининг аломати йўқ» — НАТО разведкаси
00:50