Қўшимча функционаллар
-
Тунги кўриниш
Хитойда оила қуриш қоидалари соддалаштирилди
Энди оила қуриш истагида бўлган фуқаролардан ортиқча ҳужжатлар талаб этилмайди.
Фото: Unsplash
Хитой ҳукумати мамлакат аҳолисини оила қуришга рағбатлантириш мақсадида никоҳларни рўйхатга олиш қоидаларига ўзгартириш киритди, деб хабар беради Xinhua агентлиги.
Қайд этилишича, 2024 йилда ХХРда 6,1 миллион жуфтлик ўз муносабатларини расман мустаҳкамлаб қўйган — ундан бир йил олдин ушбу кўрсаткич 7,68 миллионни ташкил этган.
Янги қоидалар ҳужжатлар топшириш жараёнини соддалаштиради. Энди оила қуриш учун шахсни тасдиқловчи ҳужжат, томонларнинг бошқа никоҳи мавжуд эмаслиги тўғрисида, шунингдек, уч авлод яқин қариндошлик алоқалари йўқлиги тўғрисида маълумотномалар талаб этилади холос. Илгари жуфтликлар уй хўжаликларини рўйхатга олиш китобларини ҳам олиб келишлари керак эди.
Бундан ташқари, энди хитойликлар рўйхатга олинган манзилидан бошқа ҳудудларда ҳам оила қура олади. Янги ўзгаришлар 2025 йил 10 майдан кучга киради. Мамлакатда оила қуриш қоидалари 2003 йилдан бери ўзгаришсиз қолиб келаётган эди.
Расмийлар бу каби янги қоидалар вақтни тежашга ва оила қуриш харажатларини қисқартиришга ёрдам беришига ишонмоқда, чунки кўплаб фуқаролар рўйхатга олинган манзилидан узоқ жойда яшайди ёки ишлайди. Шу боис хитойликлар кўпинча рўйхатга олинган манзилларига бормаслик учун расман никоҳдан ўтишдан бош тортади.
Аввалроқ Хитойда 2024 йилда рўйхатдан ўтказиладиган янги никоҳлар сони ушбу ҳисобни юритиш бошланганидан бери энг паст кўрсаткичга тушиб кетиши тўғрисида хабар берилганди.
Мавзуга оид
21:31 / 11.04.2025
Хитойда кучли шамол сабаб вазни 50 килодан енгил аҳолига кўчага чиқмаслик тавсия қилинди
19:30 / 11.04.2025
Трамп авжига чиқмоқда: «Божлар уруши»да АҚШ Хитойни енга оладими?
18:48 / 11.04.2025
Россияда героиндан 5 минг баробар кучлироқ бўлган янги Хитой гиёҳванд воситаси тарқалди
17:36 / 11.04.2025