Қўшимча функционаллар
-
Тунги кўриниш
Трамп Хитой учун божларни 145 фоизгача оширди
Американинг Хитойга импорт божлари 125 фоиз эмас, 145 фоизни ташкил этади, дея тушунтирди Оқ уй. Аввалроқ Пекин АҚШга нисбатан божларни 84 фоизга оширган эди.
Фото: Reuters
АҚШ президенти Доналд Трамп Хитой товарларига импорт божларини аввал хабар қилинганидан кўра кўпроқ оширди: Оқ уйнинг 10 апрел, пайшанба куни тушунтирганидек, бир кун аввал эълон қилинган 125 фоиз март ойида жорий қилинган 20 фоизга қўшилиши керак, дея хабар бермоқда Ғарб ахборот агентликлари ва ОАВ. Шундай қилиб, Хитой учун жами тарифлар 145 фоизни ташкил қилади.
Трамп йиғимларнинг ошишини Пекиннинг фентанил наркотики савдосига оид ҳаракатсизлиги билан изоҳлади. Шунингдек, у Пекинни жаҳон бозорларига «етарлича ҳурмат кўрсатмаётганликда» айблади.
Аввалроқ, Хитойдан келадиган товарларга божлар икки баравар оширилиб, 20 фоизга кўтарилиши муносабати билан Пекин АҚШдан импорт қилинадиган товарларга божлар 34 фоиздан 84 фоизга ошишини эълон қилган эди.
Сўнгги ҳафталарда Доналд Трамп Қўшма Штатларга, жумладан, Европа Иттифоқидан импорт қилинадиган турли товарларга бир қатор савдо тарифларини жорий қилди. 9 апрел куни АҚШ президенти аксарият давлатлар учун божхона тўловларини 90 кунга тўхтатди, бироқ бу қадам Хитойга таъсир қилмади. Аксинча, Хитой учун 125 фоизлик тарифлар эълон қилинди.
Трампнинг қайтиши
Мавзуга оид
22:21 / 14.04.2025
Киевда украинларга асир тушган Хитой ҳарбийлари иштирокида матбуот анжумани ўтказилди
18:42 / 14.04.2025
Хитойлик аёл 6 марта ишхонадан бир дақиқа эрта кетгани учун ишдан бўшатилди
17:02 / 14.04.2025
Хитой автомобил ва электроника учун зарур оғир нодир металлар экспортини чеклади
16:52 / 14.04.2025