Тошкентда гуллар фестивали муносабати билан айрим кўчаларда транспорт ҳаракати чекланади

Экологик тарбия, табиатни муҳофаза қилиш ва «яшил иқтисодиёт» тамойилларини тарғиб этиш мақсадида пойтахтда Тошкент гуллари фестивали бўлиб ўтади.

Фото: Тошкент шаҳар ҳокимлиги

Пойтахт ҳокимлиги хабарига кўра, фестивалнинг асосий тадбирлари Ўзбекистон Миллий кутубхонасининг олд майдонида ташкил қилинади.

Гуллар фестивали муносабати билан 29 апрелдан 3 майгача қуйидаги ҳудудларда транспорт воситалари ҳаракати чекланади:

— Зарафшон кўчасининг Hyatt Regency Tashkent меҳмонхонаси қўриқлаш пункти ва Матбуотчилар кўчалари оралиғидаги қисми;
— Истиқлол кўчасининг Амир Темур ва Буюк Турон кўчалари оралиғидаги қисми;
— Буюк Турон кўчасининг Истиқлол кўчаси кесишмасидан Ёшлар ижод саройигача бўлган қисми.

Кўрсатилган давр ичида муқобил йўллардан фойдаланишни тавсия қилинган.