Qoʻshimcha funksionallar
-
Tungi ko‘rinish
Dubaydagi “EKSPO-2020” ko‘rgazmasi bir yilga qoldirildi
Butunjahon ko‘rgazmalar byurosi (BIE) Dubayda 2020 yilda o‘tishi kerak bo‘lgan “EKSPO-2020” xalqaro ko‘rgazmasining 2021 yilga ko‘chirilishini rasman ma'qulladi.
Foto: Getty Images
Ko‘rgazma koronavirus pandemiyasi sababli 2021 yil 1 oktyabridan 2022 yil 31 martigacha o‘tkaziladi. BIE a'zolari ushbu qarorga onlayn rejimda ovoz berishgan. Onlayn ovoz berish 29 may kuni tugashiga qaramay, 24 apreldayoq ko‘rgazma ko‘chirilishi uchun zarur bo‘lgan ovoz to‘plab bo‘lingan.
BAA tomonidan tarixdagi eng yirik “EKSPO”ning koronavirus pandemiyasi sababli ko‘chirilishi haqidagi murojaat ko‘rgazmalar byurosiga 30 martda kelib tushgan. Ta'kidlanishicha, byuro a'zolari ko‘rgazmaning rasmiy nomlanishi “EKSPO 2020 Dubay”ning saqlanib qolinishiga qaror qilishgan.
Mavzusi “Aqllarni birlashtirib, kelajakni yaratamiz” (Connecting Minds, Creating the Future) bo‘lgan ko‘rgazmada 192 davlat ishtirok etadi. Ko‘rgazma tashkiliy qo‘mitasi ko‘rgazma davomida unga 20 mln kishi tashrif buyurishi kutilayotganini ma'lum qilgan.
Koronavirus
Mavzuga oid
00:19 / 28.04.2025
Dubay turistlar uchun yangi talablarni e’lon qildi
14:36 / 25.04.2025
O‘zbekistonliklar BAAda jinoyat sodir etishi ko‘paygani sababli vizasiz rejim bekor qilinishi mumkin
11:03 / 26.03.2025
Dubayda qiyin ahvolda qolgan ayollar O‘zbekistonga qaytarildi
11:18 / 25.02.2025