Болгариядаги даҳшатли поезд ҳалокати видеоси пайдо бўлди

Болгариянинг Хитрино аҳоли пунктида (Шумен вилояти) 10 декабрь куни суюлтирилган газ олиб кетаётан поезднинг бир неча цистерналари рельслардан чиқиб кетди. Бунинг оқибатида портлаш рўй бериб, ёнғин келиб чиқди. Ҳодиса оқибатида беш киши ҳалок бўлди, 27 нафардан зиёд инсон жароҳат олган, деб хабар берди Nova TV.

Поезд таркибида 26 цистерна бўлган бўлиб, уларнинг учтасида пропан-бутан бўлган. 20 цистернада эса – пропилен ёнувчи гази, яна учтаси эса бўш бўлган, деб аниқлик киритган ТАСС.