Трамп Форс кўрфази давлатларини бирдамликка чақирди

Фото: AP

АҚШ президенти Дональд Трамп Саудия Арабистони қироли Салмон бин Абдулазиз Ол Сауд билан телефон орқали мулоқот давомида Форс кўрфази давлатлари ўртасида бирдамлик зарурлигини таъкидлаб ўтди. Бу ҳақда Оқ уйга иқтибос келтирган ҳолда Reuters ахборот агентлиги хабар бермоқда.

"Трамп минтақада экстремистик мафкура ва террорчиликнинг молиялаштирилишига қарши бирдамлик зарурлигини айтди. Форс кўрфази давлатлари минтақада тинчлик ва хавфсизлик учун бирдам бўлишлари муҳим", деб айтган Оқ уй амалдори.

5 июнда Миср, Баҳрайн, Саудия Арабистони, БАА Қатар билан дипломатик алоқаларни узишларини эълон қилишган. Кейинроқ уларга Маврикий, Мальдив, Ливия, Яман қўшилган. Қатар ташқи ишлар вазири Доҳа бунга жавобан чоралар кўрмаслигини айтган.

6 июнда Қатар билан дипломатик алоқа даражасини пасайтиришни Иордания маълум қилган. Бундан ташқари, Мавритания ҳукумати ҳам Қатар билан алоқаларни тўхтатишга қарор қилган.

#Дональд Трамп #Форс кўрфази #Қатар #бирдамлик

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.