Видео: 1000 от кучига эга Nissan спорткарининг тор йўллар узра дрифти

Youtube видеохостинг хизматидаги HeatWaveVisual каналида 1000 от кучига эга Nissan 240SX пойга машинасининг дрифти акс этган видео лавҳалар пайдо бўлди. Автомобилни пойгачи Мэтт Филд бошқарган. У ўтган йилги Formula Drift чемпионатида умумий ҳисобда иккинчи ўринни эгаллаган эди. 

Филд автомобили 7.0 литрли 8 цилиндрга эга General Motors двигатели билан жиҳозланган эди. Видеолавҳани суратга олиш ишлари Калифорниядаги ёпиқ йўлда бўлиб ўтди.