Шавкат Мирзиёев: Қишлоқ хўжалигида билмаган нарсаларимиз жуда кўп

Ўзбекистон Президенти Шавкат Мирзиёев 2 сентябрь куни Жиззах вилояти Зарбдор туманига ташриф буюрди. Бу ҳақда ЎзА хабар бермоқда.

Президент «Тошкесган» фермер хўжалигининг пахта даласини кўздан кечирди. Фермер ва деҳқонлар билан агротехник тадбирларни тўғри ва сифатли амалга ошириш, ҳосилни ўз вақтида йиғиб-териб олиш хусусида суҳбатлашди.

«Биз қишлоқ хўжалиги соҳасида ҳамма нарсани биламиз, деб ўйлаймиз. Аслида биз билмаган нарсалар жуда кўп. Шундай экан, бу борада ўқиш, изланишдан тўхтамаслигимиз, фермерларнинг ўқишини ташкил этишимиз керак. Уларга етук мутахассислар дарс бериши зарур», деган президент.