Қўшимча функционаллар
-
Тунги кўриниш
Қирғизистон президенти Тошкентга ташрифни қачон амалга ошириши маълум қилинди
Фото: Ўзбекистон 24
Қирғизистон президенти Алмазбек Атамбоев 5-6 октябрь кунларида Тошкентга ташрифни амалга оширишни режалаштирган. Бу маълумотни «24.kg» агентлиги давлат раҳбари аппаратидаги манбага асосланган ҳолда тарқатган.
Қайд этилишича, Қирғизистон раҳбари Ўзбекистонга жавоб ташрифини амалга оширади. Ўзбекистон президенти Шавкат Мирзиёев ўтган ҳафтада Бишкекка ташрифи вақтида қўшни давлат раҳбарини Тошкентга таклиф қилганди. Шавкат Мирзиёев Атамбоевга Бишкекка сафари якунлари бўйича миннатдорчилик мактуби йўллаган.
Ўзбекистон раҳбари ҳукуматга яқин кунлар ичида эришилган келишувларнинг тўлиқ амалга оширилишини таъминлаш ҳамда музорака ва учрашувлар натижаси бўйича имзоланган битимлар асосида йўл харитасини ишлаб чиқиш топшириғини берган.
«Сизнинг Ўзбекистонга икки давлатнинг кўплаб соҳалардаги ҳамкорлигини чуқурлаштириш йўлидаги мулоқотни давом эттириш учун жавоб ташрифи амалга оширишингизни сабрсизлик билан кутамиз», — дейилган мактубда.
Алмазбек Атамбоевнинг Тошкентга ташрифи доирасида бизнес-форум ва икки мамлакатда ишлаб чиқарилган маҳсулотлар кўргазмаси ташкил этилиши кўзда тутилган.
Мавзуга оид
16:51 / 08.11.2023
Ўзбекистон маҳсулотлари учун янги бозорларни очиш имконияти – ИҲТ доирасидаги бизнес-форумдан репортаж
12:50 / 21.10.2023
Ўзбекистон, Россия ва Татаристон ишбилармонлар бизнес-форуми бўлиб ўтди
07:47 / 18.09.2023
Вашингтонда бўлиб ўтган Ўзбекистон-Америка бизнес-форуми якунлари бўйича 12 та ҳужжат имзоланди
11:41 / 07.09.2023