Россияда «Америка овози» ва «Озодлик радиоси» хориж жосуслари деб эълон қилинди

Россия Адлия вазирлиги «Озодлик радиоси» ва «Америка овози» қаторида яна 7та нашрни хориж жосуслари сифатида тан олди.

Бу рўйхатда «Озодлик радиоси»га яқин бўлган бошқа нашрлар, хусусан, «Настоящее Время» телеканали, «Озодлик»нинг татар-бошқирдлар учун версияси (AzatliqRadiosi), «Сибирь.Реалии», «Idel.Реалии», «Фактограф», Кавказ.Реалии ва «Крым.Реалии» нашрлари ҳам жой олган.

«ОАВ тўғрисидаги» қонуннинг янги таҳририда АҚШда Россиянинг RT нашри хорижий жосус сифатида қайд этилишига жавобан тузатишлар киритилган. Давлат дума қонун лойиҳасини учинчи ўқишда қабул қилган. Путин ушбу ҳужжатни 25 ноябрь куни имзолаган.

Тузатишларга кўра, Адлия вазирлиги хориждан молиялаштириладиган ва асосан хорижда фаолият кўрсатадиган нашрларни хориж жосуслари деб эълон қилиши мумкин бўлади. Шунингдек, нашрлар ҳар чоракда ўз фаолияти ҳақида, шунингдек, харажатлари ва даромадлари тўғрисида ҳисоб бериши кераклиги белгиланган. Бу нашрларнинг материалларида муаллиф хорижий агент сифатида кўрсатилади.