Путин Қизил майдонда хоккей ўйнади 

Россия президенти Владимир Путин 22 декабрь кечки пайт Тунги хоккей лигаси (ТХЛ)нинг ўртоқлик учрашувида иштирок этди. Россия мудофаа вазири Сергей Шойгу, жаз мусиқачиси Игорь Бутман, хоккейчи Вячеслав Фетисов иштирок этган учрашув Қизил майдонда ўтган.

ТХЛ 2011 йил 15 декабрда Путиннинг Россия хоккей афсоналари билан учрашувидан кейин пайдо бўлган ва ҳаваскорлик хоккейини оммалаштириш билан шуғулланади.

Путин бир неча йилдан бери хоккей ўйнайди. Путиннинг матбуот котиби Дмитрий Песковнинг айтишича, Россия раҳбари ишчи куни якунлангандан кейин тунги пайт машқ қилади.