«Барса»нинг «янги ҳужумчиси» бугун нечта гол уради? ЕЧЛ анонси

Чемпионлар Лигасида чорак финалнинг жавоб учрашувлари доирасида «Рома» «Барселона»ни қабул қилади. Бу жуфтликда вазият ойдинлашган, кейинги босқичга ким чиқиши деярли аниқ, аммо умид ҳамиша охирида ўлади?

«Рома» - тамомми?
«Рома» (Италия) – «Барселона» (Испания)
10 апрель. Рим. «Олимпико» стадиони, 23:45
Биринчи ўйин – 1:4

Италияликларнинг кейинги босқичга чиқа олишига ҳеч ким ишонмайди. Ўйиндаги деворлар, соғайиб сафга қайтган Ража Найнголан, «Барса»нинг диққатни сусайтириши «Рома»га ёрдам бериши керакми? Кўринишидан бундай бўлмайди. Аниқроғи, буларнинг барчаси бир бўлиб ҳам римликларни Чемпионлар лигаси ярим финалига олиб чиқмайди. У ерга фақат ёрқин ўйин кўрсатган жамоалар йўл олишади. Эусебио Ди Франческонинг жамоаси эса бундай ўйин кўрсатмаяпти.

«Ўз кучимизга бўлган ишонч бизни қўллаб-қувватлаб туриши керак. Гуруҳ босқичида «Челси»ни 3:0 ҳисобида мағлуб этганмиз, айнан шундай ҳисоб бизни қониқтиради. Биз «Барселона»ни мағлуб этишга қодирмиз. Бу сафар ҳам шундай ҳисобни қайд қилишга уриниб кўрамиз» - деди Эусебио Ди Франческо.

Албатта, ўйиндан олдин Эрнесто Вальверде «рақибни менсимаслик тўғри бўлмаслиги» ҳақида гапирди: «Биз ғалаба қозониб бўлдик, деб ўйламаслигимиз керак. Биринчи беллашувда ажойиб натижага эришдик, бироқ худди ҳисоб 0:0 бўлиб тургандек ўйнашимиз шарт. Биз ғалаба учун ҳаракат қилишимиз ва бошқа ҳеч нарса ҳақида ўйламаслигимиз керак. Мен футболда жуда кўп вақтдан бери ишлаб келяпман ва бу ерда кутилмаган ҳодисалар юз бериши мумкин эканини биламан. Биз бугун кечқурун шундай воқеа юз бермаслигига эришишимиз лозим. Майдонга «Рома» биз учун – рақиб эмас, деган хаёлда чиқиш керак эмас. Ўзига ишониш салбий таъсир ўтказиши мумкин»

Аммо бу чин дилдан айтилган гаплармиди? Италия нашрлари муқовасида ўтган ҳафтадаёқ «Вазифа уддаланмади» йўсинидаги сарлавҳалар босилганди. Улар «Ювентус»нинг муваффақиятсизликка учраганига ҳам ишора этишганди. Туринликлар сафарда «Реал»га 3та жавобсиз гол уришига ҳозир ҳеч ким ишонмаяпти.

«Барселона»нинг «янги ҳужумчиси»

Мухлислар учун ҳозирда «Рома»нинг имкониятларини чамалашдан кўра, «Барселона» бу ўйинда қанча гол уриши-ю, «Барселона»нинг «автогол» номли ҳужумчиси қанча гол уришига қизиқиш кўпроқ. Барселонадаги ўйинда биринчи ва иккинчи голлар меҳмонлар футболчилари Де Россия ва Манолас томонидан урилган, натижада, жорий мавсумда Чемпионлар лигасида «Барселона» учун рақиб футболчилари томонидан уриб берилган автоголлар сони 5тага етди ва бу ҳолат турли ҳазиломуз фикрларга сабаб бўлди.

Тахминий таркиблар
Қадимий шаҳардаги ўйинни Диего Перотта ва Рик Карсдорп ўтказиб юбориши аниқ (жароҳат). Женгиз Ундер ҳам майдонга тушиши аниқ эмас, туркиялик футболчи тўла тайёр бўлмаслиги мумкин. «Барселона»да ҳам таркибга киритилмаган футболчилар бор: Серхи Сампер, Фелиппе Коутиньо (иккиси ҳам турнирга заявка қилинмаган), шунингдек, Лука Дин ўйнамайди (жароҳат).

«Рома»нинг заявкаси: Алиссон, Романьоли, Скорпски, Жесус, Коларов, Капрадосси, Фасио, Флоренци, Перес, Манолас, Найнгголан, Строотман, Пеллегрини, Де Росси, Гоналон, Жерсон, Джеко, Шик, Ундер, Дефрель, Эль-Шаарави.
«Барселона»нинг заявкаси: Тер Штеген, Силлессен, Ортола – Семеду, Пике, Ракитич, Бускетс, Денис Суарес, Иньеста, Луис Суарес, Месси, Дембеле, Паулиньо, Алькасер, Альба, Серхи Роберто, Андре Гомеш, Алейш Видаль, Умтити, Мина, Вермален.