Ўзбекистон делегацияси Иқтисодий ҳамкорлик ташкилотининг вазирлар кенгаши йиғилишида иштирок этди
17 апрелда Душанбеда Ўзбекистон ташқи ишлар вазири ўринбосари Абдужаббор Абдувохитов бошчилигидаги Ўзбекистон делегацияси Иқтисодий ҳамкорлик ташкилотининг (ИҲТ) Ташқи ишлар вазирлари кенгашининг 23-йиғилишида иштирок этди.
Йиғилишда иқтисодиёт, маданият, туризм, фан ва таълим соҳасидаги, жумладан ИҲТнинг Савдо келишувини амалга ошириш доирасидаги минтақавий ҳамкорлик масалалари муҳокама қилинган.
Томонлар Афғонистонга кўмак бериш дастурини қабул қилишган ҳамда ИҲТнинг янги раҳбарини тайинлаш ва бюджетининг янгиланган структураси каби ташкилий масалаларни муҳокама қилишган.
Йиғилиш якунларига кўра, Душанбе коммюникеси қабул қилинган.
ИҲТ Ўрта Осиё ва Яқин Шарқ давлатлари ўртасидаги минтақавий давлатлараро иқтисодий ташкилот бўлиб, 1985 йилда ташкил этилган. Унинг таркибига Ўзбекистон, Эрон, Покистон, Туркия, Қозоғистон, Қирғизистон, Туркманистон, Тожикистон, Озарбойжон ва Афғонистон киради.
Мавзуга оид
20:19 / 08.08.2024
Тожикистонда Хитой билан ҳамкорликда ҳарбий база қурилиши рад этилди
09:59 / 19.01.2024
Брюссел Душанбени журналистларга босим ўтказишни тўхтатишга чақирди
02:25 / 08.11.2023
Тошкентда 3 кун давомида марказий кўчаларда ҳаракат вақтинча чекланади
10:31 / 14.09.2023