Қўшимча функционаллар
-
Тунги кўриниш
Домодедово божхоначилари ўзбекистонлик қиздан миллион рубллик тақинчоқларни олиб қўйди
Фото: Марина Лисцева
Домодедово божхонаси ходимлари Дубайдан учиб келган 24 ёшли ўзбекистонлик қиздан қиймати бир миллион рублдан ортиқ турувчи заргарлик буюмларини мусодара қилди. Бу ҳақда Домодедово божхонаси матбуот хизмати хабар бермоқда.
Қиз яшил йўлакда тўхтатилган. Унинг қўл юки ичида Cartier узуги ва билагузуги ҳамда сирғалар бўлган.
"Ўзбекистон фуқароси бу тақинчоқларни унга дам олаётиб танишиб қолган бир йигит совға қилганини билдирди. Унинг айтишича, тақинчоқларнинг нархини билмайди, уларнинг ҳужжати ҳам йўқ бўлган", — дейилади хабарда.
Экспертларнинг аниқлашларича, заргарлик буюмлари 750-пробали оқ олтиндан тайёрланган бўлиб, бриллиантлар ўрнатилган. Уларнинг қиймати ички бозорда бир миллион 71 минг рублни ташкил этади.
Тақинчоқлар мусодара қилинди, қизга буюмларни декларациядан ўтказмаганлиги учун катта миқдорда жарима солинади.
Мавзуга оид
00:11 / 18.08.2024
Германиядаги музейдан ўғирлаб кетилган 124 млн долларлик тақинчоқлар ватанига қайтарилди
08:14 / 10.08.2023
Домодедово округида 1000 квадрат метр майдонда йирик ёнғин содир бўлди
15:51 / 08.03.2023
Тошкентдан Москвага учган самолёт аэропортда 4 соат қолиб кетганига изоҳ берилди
19:30 / 31.01.2023