Бола туғилганда бериладиган бир марталик нафақани қаердан олиш мумкин?

Қонунчиликка мувофиқ бола туғилганда бир марталик нафақа берилади, деб ёзмоқда “Ҳуқуқий ахборот” канали.

Унинг миқдори ҳозирги кунда 368 600 сўмни ташкил этади.

Мазкур нафақа:

ишлаётган ёки ўқиётган аёлларга иш ёки ўқиш жойидан тўланади;

боланинг онаси ишламайдиган ва ўқимайдиган ҳолларда, нафақа боланинг ишлайдиган ёки ўқийдиган отаси ёки ота-она ўрнини босувчи шахсларга тўланади;

ишламайдиган ва ўқимайдиган ота-оналарга бола туғилганда нафақа ижтимоий таъминот бўлимлари томонидан тўланади.