Bola tug‘ilganda beriladigan bir martalik nafaqani qayerdan olish mumkin?

Qonunchilikka muvofiq bola tug‘ilganda bir martalik nafaqa beriladi, deb yozmoqda “Huquqiy axborot” kanali.

Uning miqdori hozirgi kunda 368 600 so‘mni tashkil etadi.

Mazkur nafaqa:

ishlayotgan yoki o‘qiyotgan ayollarga ish yoki o‘qish joyidan to‘lanadi;

bolaning onasi ishlamaydigan va o‘qimaydigan hollarda, nafaqa bolaning ishlaydigan yoki o‘qiydigan otasi yoki ota-ona o‘rnini bosuvchi shaxslarga to‘lanadi;

ishlamaydigan va o‘qimaydigan ota-onalarga bola tug‘ilganda nafaqa ijtimoiy ta'minot bo‘limlari tomonidan to‘lanadi.