Тошкент вилоятида қиймати 72 млн сўмлик сомон ўрамларини ёқиб юборишди

Фото: ИИВ ахборот хизмати

Тошкент вилоятининг Оҳангарон туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, шу туманда яшовчи Ф.А. ИИБга мурожаат қилиб, шу йил 24 август куни номаълум шахс, унинг уйи орқа томонида турган, умумий қиймати 72 млн сўмлик 6000 дона сомон ўрамларини ёқиб юбориб, воқеа жойидан яширинганлигини маълум қилган эди.

Кўрилган чоралар натижасида ушбу жиноятни “Убайт” маҳалласида яшовчилар А.А. ва М.А. содир этганликлари аниқланиб, ушланганлар. Ҳолат юзасидан жиноят иши қўзғатилиб, тергов ҳаракатлари давом этмоқда.