Қўшимча функционаллар
-
Тунги кўриниш
Пекин - Тошкент рейсидаги самолётда ўзбекистонлик аёл бешинчи фарзандини дунёга келтирди
Фото: Ижтимоий тармоқлар
Пекин - Тошкент йўналишида ҳавога кўтарилган CZ6027 рейси самолёти парвоз вақтида чақалоқ дунёга келгани сабабли Пекин шаҳрига қайтиб қўнди. Бу ҳақда ижтимоий тармоқлардаги каналларда хабарлар тарқалди.
Kun.uz’га Тошкент халқаро аэропортидаги манбаларнинг хабар беришича, ушбу ҳодиса сабабли самолёт Тошкентга кеч етиб келган - 24 ноябрга ўтар тунда, соат 01:00ларда.
Шунингдек, Kun.uz’га хабар беришларича, туғуруқни акушер-гинеколог тиббиёт фанлари доктори, профессор Гульсара Ешимбетова ва тиббиёт фанлари доктори Раҳматилла Ниёзметов қабул қилган. Уларнинг ҳар иккиси Тошкент врачлар малакасини ошириш институтида ишлайдилар. Маълум бўлишича, улар Хитойга малака ошириш мақсадида боришган.
Хабарларга кўра, онанинг ҳам, ҳомиладорлик еттинчи ойида самолётда туғилган чақалоқнинг ҳам аҳволи яхшиланмоқда. Улар Пекиндаги Hemujia касалхонасига жойлаштирилган.
Мавзуга оид
14:01 / 15.11.2024
Лавров самолётига хорижда ёнилғи қуйишдан бош тортишаётганидан шикоят қилди
21:10 / 10.11.2024
Тошкентдан Жиддага учган самолёт ортга қайтишга мажбур бўлди
12:02 / 02.11.2024
Мюнхендан Шанхайга учаётган самолёт Тошкентга фавқулодда қўнди
11:56 / 02.11.2024