UFC  президенти Нурмагомедовнинг дисквалификациясини ўта қаттиққўл деб атади

UFC президенти Дана Уайт Невада штати атлетик комиссиясининг россиялик аралаш яккакураш жангчиси Хабиб Нурмагомедовнинг 9 ойга мусобақалардан четлатилиши қарорига изоҳ берди. 

Нурмагомедов комиссия қарорига кўра Конор Макгрегорга қарши жангдан кейин юзага келган можаро учун 9 ойга четлатилди ва 500 минг долларлик жаримага тортилди. 

“Мени Хабибнинг дисквалификацияси муддати ажаблантирди. Ярим миллион долларлик жарима ва у ижтимоий ишларга рози бўлса, 6 ойлик четлатиш, фикримча, ўта қаттиққўлдир. Бироқ бизда нима бўлса, шунга эгамиз”, деб айтган Уайт.

Уайт, шунингдек, спортчиларнинг ёнини олган.

“Бу кураш. Қандай боқма, бироқ бу кураш. Баъзида жангчилар бир-бирини ёқтирмайдиган вазиятлар учрайди. Худди шу вазият бу гал ҳам бўлган. Биз қиладиган барча нарса бу курашдир. Жангчилар бир-бирларига жирканч сўзлар айтишга кўникиб кетишган, бундан қочиб бўлмайди”, деб қўшимча қилган UFC  президенти.

Нурмагомедов 2018 йил 6 октябрда ўтган жангдан кейин октагондан сакраб ўтиб, рақибининг спарринг-шериги Дилон Дэнис билан уришиб кетган ва мураббийлар ҳамда бошқа спортчилар ўртасида муштлашув келиб чиқишига сабабчи бўлган.

Можаронинг яна бир иштирокчиси бўлган Макгергорга 6 ойлик дисквалификация ва 50 минг долларлик жарима тайинланган.