Лига 1. Неймарнинг 92-дақиқада киритган суперголи «ПСЖ»га ғалаба келтирди

Франция чемпионатининг 5-туридан ўрин олган «ПСЖ» ва «Страсбург» жамоалари ўртасидаги баҳс якунланди. Парижликлар меҳмонлар дарвозасига тўп киритишда анча қийналишди. Ҳакам томонидан қўшиб берилган дақиқалардагина Неймар қайчи услубида гол уриб, жамоасига ғалаба келтирди.

Ушбу ғалабадан сўнг «ПСЖ» очколари сонини 12тага етказиб, 1-ўринга кўтарилиб олди. «Страсбург» эса 3 очко билан пастки поғоналардан бирини эгаллаб турибди.

Лига 1, 5-тур

ПСЖ – Страсбург 1:0

Гол: Неймар (90+2).
ПСЖ: Навас, Курзава (Кимпембе, 71), Дагба, Диалло, Тиаго Силва, Ди Мария, Сарабия (Эррера, 71), Гуйе, Верратти, Шупо-Мотинг (Икарди, 63), Неймар. 
Страсбур: Зельс, Кароль, Джику, Коне, Лала, Томассон (Прцич, 85), Сиссоко, Симакан (Лиэнар, 74), Белльгард, Митрович, Ажорк (Мотиба, 78).
Огоҳлантиришлар: Белльгард (45), Курзава (45), Ажорк (71), Верратти (90).