Жаҳон туризми коронавирусдан кўрадиган зарар 22 млрд долларга баҳоланди

Мутахассислар жаҳон туризмининг янги турдаги коронавирус тарқалишидан кўрадиган зарарини 22 млрд долларга баҳолашди. Уларнинг таъкидлашича, хитойликлар энг кўп пул сарфловчи сайёҳлар ҳисобланади.

Фото: AP

Бу ҳақда Жаҳон туризм ва саёҳатлар кенгаши (WTTC) раҳбари Глория Гевара El Mundo нашрига берган интервьюсида маълум қилди.

“Вируснинг жаҳон туризмига таъсири қандай бўлишини айтишга ҳали эрта, бироқ Бутунжаҳон туризм ташкилотида Oxford Economics мутахассислари билан биргаликда дастлабки ҳисоб-китобларни ўтказдик. Уларга кўра, ушбу инқироз соҳага камида 22 млрд долларга тушади. Хитой фуқаролари бирор жойга борганда ҳаммадан кўп пул сарфлайдиган сайёҳлардир”, деб айтган Гевара.

Таъкидлаб ўтиш жоиз, коронавирус бир ҳафта ичида 21 та янги давлатда, жумладан, Ливан, Уммон, Исроил, Афғонистон, Греция, Дания, Австрия, Эстония, Руминия, Шимолий Македония, Грузия, Покистон, Норвегия, Испания, Бразилия, Жазоир, Швейцария, Хорватия, Баҳрайн, Кувайт ва Польшада аниқланди.

Тайёрлаган Шуҳрат Раҳимов

#туризм #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.