ССВ коронавирусда ибупрофен қабул қилиш тавсия этилмаслигини тасдиқлади

Халқаро тавсияларга кўра, коронавирус инфекциясида ибупрофенни тана ҳароратини туширишда қабул қилиш тавсия этилмайди.

Фото: Zuma/ТАСС

АОКА штабида Соғлиқни сақлаш вазирлиги ҳузуридаги Коронавирусга қарши кураш штаби аъзоси Ҳабибулла Оқилов иштирокида брифинг бўлиб ўтди.

Брифингда тана ҳарорати ошганда ибупрофен қабул қилиш коронавирус инфекцияси кечишини қийинлаштириши ҳақида савол берилди.

“Ҳа, халқаро тавсияларга кўра, коронавирус инфекциясида ибупрофенни тана ҳароратини туширишда қабул қилиш тавсия этилмайди.

Агар сиз ўзингиз ва оила аъзоларингизда тана ҳарорати ошганини ёки ЎРВИ аломатларини сезсангиз, ССВнинг қисқа рақамига мурожаат қилинг. Ўзини ўзи даволаш қатъий тавсия этилмайди”, - деди Ҳабибулла Оқилов.

Бундан олдин, коронавирусдан ўлим ҳолатлари хлорохин препарати билан боғлиқ эмаслиги билдирилганди.