Қирғизистонда парламент сайловлари бўлиб ўтмоқда
4 октябрда Қирғизистонда парламент сайловлари бўлиб ўтмоқда. Сайловларда 16 та партия иштирок этмоқда. Улар 120 та ўрин учун кураш олиб боради.
Сайловлар пандемия сабабли санитар-эпидемиологик хавфсизлик шароитларида ўтмоқда.
Республикада жами 3,5 млн нафар сайловчи рўйхатга олинган.
Сайловларда 16 та партия иштирок этмоқда. Улар орасида “Ата-Мекен”, “Бир Бол”, “Биримдик” каби партиялар бор. Аксарият маҳаллий экспертларнинг фикрича, сайловларда ушбу партиялардан 5-7тасигина ижобий натижага эришиш имконига эга.
Қирғизистон президенти Сооронбай Жээнбеков сайловлар қандай якунланишини олдиндан айтиб бўлмаслигини таъкидлаб ўтган.
Қирғизистон парламенти 120 нафар депутатдан ташкил топган. Улар ҳар 5 йилда сайланадилар. Мамлакат конституциясига кўра, сайловларда ғалаба қозонган партия энг кўпи билан 65 та депутатлик ўрнига умид қилиши мумкин. Ўринларнинг тақсимланишида сайловларда энг камида 7 фоиз овоз ва республиканинг 7 та вилояти ҳамда Бишкек ва Ўш шаҳарларида 0,7 фоиздан кам бўлмаган овоз тўплаган партиялар иштирок этиши мумкин.
Сайловлар боришини 43 та давлат ва 33 та халқаро ташкилотдан 270дан кўпроқ кузатувчи кузатади.
Мавзуга оид
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
20:33 / 14.09.2024
Водийдаги тантана, Бойсундаги мавҳумлик ва АЭС бўйича якуний битим — ҳафта дайжести
19:03 / 14.09.2024