Qirg‘izistonda parlament saylovlari bo‘lib o‘tmoqda
4 oktyabrda Qirg‘izistonda parlament saylovlari bo‘lib o‘tmoqda. Saylovlarda 16 ta partiya ishtirok etmoqda. Ular 120 ta o‘rin uchun kurash olib boradi.
Saylovlar pandemiya sababli sanitar-epidemiologik xavfsizlik sharoitlarida o‘tmoqda.
Respublikada jami 3,5 mln nafar saylovchi ro‘yxatga olingan.
Saylovlarda 16 ta partiya ishtirok etmoqda. Ular orasida “Ata-Meken”, “Bir Bol”, “Birimdik” kabi partiyalar bor. Aksariyat mahalliy ekspertlarning fikricha, saylovlarda ushbu partiyalardan 5-7tasigina ijobiy natijaga erishish imkoniga ega.
Qirg‘iziston prezidenti Sooronbay Jeenbekov saylovlar qanday yakunlanishini oldindan aytib bo‘lmasligini ta'kidlab o‘tgan.
Qirg‘iziston parlamenti 120 nafar deputatdan tashkil topgan. Ular har 5 yilda saylanadilar. Mamlakat konstitutsiyasiga ko‘ra, saylovlarda g‘alaba qozongan partiya eng ko‘pi bilan 65 ta deputatlik o‘rniga umid qilishi mumkin. O‘rinlarning taqsimlanishida saylovlarda eng kamida 7 foiz ovoz va respublikaning 7 ta viloyati hamda Bishkek va O‘sh shaharlarida 0,7 foizdan kam bo‘lmagan ovoz to‘plagan partiyalar ishtirok etishi mumkin.
Saylovlar borishini 43 ta davlat va 33 ta xalqaro tashkilotdan 270dan ko‘proq kuzatuvchi kuzatadi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024