Янги Зеландия коронавирус устидан иккинчи марта ғалаба қозонди

Янги Зеландиянинг энг йирик шаҳри Оклендда коронавируснинг иккинчи тўлқинидан кейин карантин чоралари юмшатилмоқда. Бу ҳақда мамлакат бош вазири Жасинда Ардерн маълум қилди.

Фото: time.com

“Окленд ва Янги Зеландия аҳолиси икки марта натижа берган режага амал қилди ва яна ушбу вирус устидан ғалаба қозонди”, деб айтган Ардерн.

Бош вазир Окленд аҳолисини августда киритилган иккинчи карантиннинг тугаши билан табриклади. Энди шаҳарда оммавий тадбирлар ўтказишга рухсат берилади.

Шу билан бирга, Ардерн коронавирус тарқалиши назорат остига олинган бўлса-да, аҳолини ҳушёр бўлишга чақирган.

Аввалроқ, апрелда Янги Зеландияда коронавирусга чалиниш ҳолатлари қайд этилмай қўйгач, мамлакат коронавирусни енггани эълон қилинганди. Бироқ августдан мамлакатнинг энг йирик шаҳри Оклендда коронавирус тарқалиши қайтадан авж ола бошлаган.

#Янги Зеландия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.