Фарғона вилояти солиқ бошқармаси бош инспектори ЙТҲда ҳалок бўлди

Фарғона вилояти солиқ бошқармаси бош инспектори йўл-транспорт ҳодисаси оқибатида вафот этди. Бу ҳақда Фарғона вилояти давлат солиқ бошқармаси хабар берди.

Маълум қилинишича, жорий йил 4 февраль куни М.Х. ўзининг “Ласетти” русумли автомашинасида бахтсиз ҳодисага учраган.

“Воқеа ҳақида хабар топгач, дарҳол бошқарма раҳбарияти ва бўлимдаги ходимлар дастлаб воқеа жойига, ундан сўнг эса Республика шошилинч тиббиёт илмий маркази Фарғона филиалига етиб борди ҳамда бахтсиз ҳодисага учраган ходимнинг ёнида бўлиб, имкон қадар ёрдам кўрсатди”, дейилади хабарда.

Тиббиёт ходимлари томонидан тезкорлик билан кўрилган чораларга қарамай, солиқ бошқармаси бош инспектори вафот этган.

#ЙТҲ #Фарғона #солиқ