Farg‘ona viloyati soliq boshqarmasi bosh inspektori YTHda halok bo‘ldi

Farg‘ona viloyati soliq boshqarmasi bosh inspektori yo‘l-transport hodisasi oqibatida vafot etdi. Bu haqda Farg‘ona viloyati davlat soliq boshqarmasi xabar berdi.

Ma’lum qilinishicha, joriy yil 4 fevral kuni M.X. o‘zining “Lasetti” rusumli avtomashinasida baxsiz hodisaga uchragan.

“Voqea haqida xabar topgach, darhol boshqarma rahbariyati va bo‘limdagi xodimlar dastlab voqea joyiga, undan so‘ng esa Respublika shoshilinch tibbiyot ilmiy markazi Farg‘ona filialiga yetib bordi hamda baxsiz hodisaga uchragan xodimning yonida bo‘lib, imkon qadar yordam ko‘rsatdi”, deyiladi xabarda.

Tibbiyot xodimlari tomonidan tezkorlik bilan ko‘rilgan choralarga qaramay, soliq boshqarmasi bosh inspektori vafot etgan.

#YTH #Farg‘ona #soliq