Қўшимча функционаллар
-
Тунги кўриниш
Йил бошидан бери истеъмолчиларга 40 млрд сўмлик зарар етказилди
2022 йил ўтган даврида 2 миллиондан ошиқ истеъмолчи ҳуқуқ ва манфаати бузилган. Етказилган зарар миқдори – 40 млрд сўм. Бу ҳақда Истеъмолчилар ҳуқуқларини ҳимоя қилиш агентлиги ахборот хизмати раҳбари Моҳрухсор Тоғаева маълум қилди.
Моҳрухсор Тоғаева / Фото: АОКА
Қайд этилишича, истеъмолчилар ҳуқуқларини ҳимоя қилиш агентлигига шу вақтга қадар истеъмолчилардан 12 мингга яқин мурожаат келиб тушган.
Уларнинг 40 фоизи уй-жой коммунал, қурилиш ва транспорт хизматларига тўғри келса, 38 фоизи савдо ва умумий овқатланиш хизматлари, 16 фоизи алоқа, молия ва ижтимоий хизматлар ҳамда 6 фоизи реклама муносабатлари ва бошқа масалаларга тўғри келади.
Ҳозирга қадар агентлик саъй-ҳаракати билан истеъмолчилар фойдасига 24,5 млрд сўмдан ортиқ маблағ қайта ҳисоб-китоб қилиб берилган. Қолган маблағларни истеъмолчиларга қайта ҳисоб-китоб қилиш чоралари кўрилмоқда.
Истеъмолчилик ҳуқуқлари ва манфаатлари бузилган ҳолатда агентликка 1159 қисқа рақами ҳамда сonsumer.uz сайти орқали мурожаат қилиш мумкин.
Мавзуга оид
22:21 / 08.04.2025
Поезд йўловчиси вагон деразалари чанглигидан шикоят қилди. Тозаликка масъул икки ходим ишдан олинди
23:03 / 07.04.2025
Тошкентдаги қаҳвахонада тил билан боғлиқ ҳолат муҳокамаларни келтириб чиқарди
20:18 / 26.03.2025
“Устимдан бир нечта суваракни уриб туширдим” — поездлардан яна бир шикоят
14:01 / 06.03.2025