Ўзбекистон қаҳвани асосан Италия ва Бразилиядан сотиб оляпти

2022 йилнинг январь-сентябрь ойларида Ўзбекистон хорижий давлатлардан қиймати 2,3 млн АҚШ долларига тенг бўлган 340 тонна қаҳва импорт қилган.

Давлат статистика қўмитаси маълумотларига кўра, қаҳва импорти 2021 йилнинг мос даври билан солиштирилганда 8 тоннага ошган. 

2022 йилнинг 9 ойида Ўзбекистонга импорт қилинган қаҳванинг энг катта улушига эга бўлган давлатлар орасида Италия етакчилик қилмоқда – 88,4 тонна.

Ушбу кўрсаткич қолган давлатлар кесимида қуйидагича кўриниш олди:

• Бразилия – 50,4 тонна;
• Россия – 51,6 тонна;
• Германия – 29,6 тонна;
• Польша – 29,1 тонна;
• Туркия – 13,9 тонна.